Spotlight: An tIriseoir and the writer (blog in Irish) 30 June 2016 – Posted in: News, Book launch

Foilsíodh an chéad leabhar le Michelle Nic Pháidín, An tIriseoir, i mí na Bealtaine agus is iomaí trácht ar an leabhar atá cloiste againn ó shin! Tá Michelle i ndiaidh cúpla agallamh a dhéanamh le Raidió na Life, Raidió na Gaeltachta agus Newstalk, agus moltar *An tIriseoir* do léitheoirí atá ag lorg leabhar do na laethanta saoire.

Ar chlár Aon Scéal? ar Raidió na Life, labhair an láithreoir Róisín Adams leis an údar mar gheall ar an scéal agus faoin gcaoi ar tháinig sí ar an inspioráid. Má chaill tú an clár, is féidir éisteacht siar leis anseo.

 

Ansin ar an 10 Meitheamh, labhair Michelle le *Splanc* ar Newstalk. Is féidir éisteacht leis an gclár iomlán anseo. Tosaíonn an t-agallamh seo i dtreo dheireadh an chláir.

Rónán: An bhfuil tú ana-bhródúil as a leithéid a bheith ar an seilf?

Michelle: Tá, tá mé iontach bródúil as. Tá sé go deas é a fheiceáil ina shuí ar an seilf agus tá súil agam leabharthaí eile a chur lena thaobh!

– – –

Rónán: Cad a thug ort úrscéal a scríobh? Is rud amháin teacht ar an scéal agus ansin céim eile úrscéal a scríobh.

Michelle: […] Bhí na smaointe soiléir; d’fhás an scéal, d’fhorbair sé i mo chloigeann achan lae i rith an tiomáint go Leitir Ceannain le dul ag obair.

– – –

Agus labhair Michelle faoi leabhar a scríobh i nGaeilge:

Michelle: Gan scríbhneoireacht na Gaeilge agus gan léitheoireacht na Gaeilge tá lag agus bearna le dul a bheith fágtha i saol na Gaeilge agus caithfimid díriú isteach air sin agus caithfimid achan rud a dhéanamh le cinntiú a dhéanamh go mbeidh daoine ag léamh, agus ag scríobh i nGaeilge le cois a bheith ag caint. Caithfimid an teanga a choinneáil beo, bríomhar in achan gnéith den saol.
[Éist] leis an gcluasleabhar ar líne ag an am céanna, agus beidh tú liom ó leathanach go leathanach!

 


Seoladh An tIriseoir sa Chultúrlann.

Seoladh An tIriseoir i gCultúrlann McAdam Ó Fiaich i mBéal Feirste ar an 18 Meitheamh, agus bhí Áine Ní Bhreisleáin ann chun an leabhar a sheoladh agus chun cúpla ceist a chur ar an údar don chlár Barrscéalta ar Raidió na Gaeltachta. Craoladh an t-agallamh seo ar an 29 Meitheamh, agus tá sé ar fáil ó Raidió na Gaeltachta [mar phodchraoladh.

Leabhair Ghaeilge do na laethanta saoire agus leideanna scríbhneoireachta:
Ar an 27 Meitheamh, craoladh *Aon Scéal?* eile, agus an uair seo is é Cillian De Búrca a bhí ag labhairt le Róisín Adams. Oibríonn sé leis An Siopa Leabhar ar Shráid Fhearchair, agus bhí sé ag caint ar an gclár faoi leabhair Ghaeilge do na laethanta saoire. Luaigh sé An tIriseoir agus Éagóir, agus mhínigh sé cén fáth gur phioc sé iad.

—–

Lean ort ag éisteacht agus ag léamh:
Mar atá luaite sna hagallaimh seo thuas, tá leagan closleabhair de *An tIriseoir* ar fáil saor in aisce, agus is féidir éisteacht leis an gcéad chaibidil anseo thíos. Má thaitníonn sé leat, is féidir an leabhar cló a ordú ar an suíomh ar chostas €10.00 agus is féidir comhaid an chlosleabhair a íoslódáil má chliceálann tú anseo.

Tá caibidil shamplach den leabhar ar fáil anseo ar shuíomh Cois Life, agus is féidir blaiseadh den scéal agus den saibhreas teanga a fháil anseo láithreach.

Ceannaigh an leabhar cló: [https://cic.ie/leabhar/173/an-tiriseoir](https://cic.ie/leabhar/173/an-tiriseoir).

« Éagóir film secures investment
Guest blog (in Irish) from Tony Candon: Review of Lá leis na Lochlannaigh »