Peig Sayers- Níl Deireadh Ráite / Not the Final Word (bog/paperback)

20.00

Stoc ar fáil

Duine de shárscéalaithe na Gaeilge

In Eanáir 1952, sé bliaina sula bhfuair Peig Sayers bás, thionscain Coimisiún Béaloideasa Éireann agallaimh léi agus í in ospidéal Naomh Anna, Baile Átha Cliath.  Bhí Peig thar a bheith sásta labhairt lena cuairteoirí a raibh Gaeilge Chiarraí ar a dtoil acu agus seanaithne aici orthu.  Foilsítear den chéad uair in Níl Deireadh Ráite na haghallaimh sin mar aon le réamhrá tathagach, tráchtaireacht agus aistriúchán Béarla ar iomlán.  Cuireann Peig i láthair anseo seanscéalta idirnáisúnta, scéal Fiannaíochta, finscéalta taistealacha, seanchas stairiúl agus sísheanchas, roinnt paidreacha agus tá cúpla léaróid óna mac, Mícheál Ó Gaoithín, mar anlann leo.  Léiríonn na taifeadtaí a bua mar scéalaí oilte, a hacmhainn grinn, a móreolas ar scéalta traidisúnta agus a cumas máistriúil á gcur i láthair trí shúile mná.  Buanaíon an saothar seo ionad Pheig mar dhuine de shárscéalaithe na Gaeilge agus cinntíonn sé go bhfuil a cuid scéalaíochta le háireamh ar scoth na healaíne béil sa tír seo.

 * * Le hábhar fuaime is féidir ioslódáil * *

Foilsitheoir New Island    |    ISBN 9781848408463    |    Leathanaigh 325    |    An chéad chló 2020

Meáchan 475 g
Toisí 15.5 × 23.5 × 2.4 cm