Ceithre scéal mistéire atá sa tsraith Scéalta Scéine agus iad feiliúnach do léitheoirí idir 8 agus 11 bliain d’aois. Leabhair ghairid scioptha atá iontu atá feiliúnach do dhaoine óga atá ag iarraidh barr feabhais a chur ar a scileanna léitheoireachta. Máirín Ní Ghadhra agus Gormfhlaith Ní Thuairisg, iriseoirí le RTÉ Raidió na Gaeltachta, a d’aistrigh go Gaeilge nádúrtha an lae inniu. Foilsíodh na leabhair seo den chéaduair i mBéarla sa tsraith Freestylers Short Thrillers agus is é Andrew Fusek Peters a scríobh iad. Tá na leaganacha i nGaeilge foilsithe ag Cló Iar-Chonnacht le maoiniú ó COGG.
Taibhse an Dá Thaobh
Cás eile do na bleachtairí óga Ben agus Sam. Tá taibhse sa mhuileann ach ní gnáth-thaibhse é seo, tá sé gearrtha ina dhá leith! Cé hé féin agus céard a tharla dó?
