Úrscéal inléite, taitneamhach, spéisiúil a bhfuil ciall leis an leagan amach mar gríosann sé fiosracht an léitheora. – Foinse
Suaitheadh na hÉireann i ndeireadh na 1960í. Gluaiseacht na gCeart Sibhialta agus pléascadh an fhoréigin i nDoire. Oibrithe á ngríosú chun ceannairce in aghaidh na bainistíochta i monarcha de chuid an Údaráis i nGaeltacht Thír Chonaill. Idéalachas soineanta na hóige á mhealladh isteach i ngluaiseachtaí de chuid na heite deise agus de chuid na heite clé araon. Aisling na hóige á tréigean ar mhaithe le sócúlacht mheánaicmeach. Gach cúis dá húsáid ag uaillmhian gan scrupall ar mhaithe le leas pearsanta.
