Is é Lead Us Into Tempation an leagan i mBéarla den úrscéal Lig Sinn i gCathú le Breandán Ó hEithir. Foilsíodh an leabhar i nGaeilge ar dtús i 1976 agus tá sé de cháil ar an mbunleabhar gurb é an chéad úrscéal i nGaeilge a bhain barr na gcairteanna sárdhíola do leabhar faoi chlúdach crua amach nuair a seoladh é. Titeann eachtraí an scéil amach thar dheireadh seachtaine na Cásca 1949, an bhliain a fógraíodh poblacht na hÉireann, ach tá príomhcharachtar an scéil, Máirtín Ó Méalóid (nó Martin Melody mar atá air sa leagan i mBéarla), raibiléir agus mac-léinn ollscoile atá ró-thógtha leis an ól agus ag imeacht i ndiaidh na mban is ní thugann seisean ná a chairde mórán airde ar na heachtraí móra polaitiúla atá ag titim amach. Tarraingíonn Ó hEithir ar a shaol in iarthair na hÉireann agus cruthaíonn domhan saibhir atá lán le carachtairí bríomhara.
