Leabhair do Lá Fhéile Vailintín 2 Feabhra 2024 – Posted in: Leabhair – Clibeanna: Lá Fhéile Vailintín

Leabhair le titim i ngrá leo ar Lá Fhéile Vailintín

An áit a mbíonn an grá is goirid oíche is lá!

 

Filíocht ghrá na Gaeilge/Love poems in Irish

Díolaim chuimsitheach dátheangach a rianaíonn traidisiún na filíochta grá i nGaeilge ón luathaois go dtí an nua-aois. Seo chugainn léargas iontach ar phaisean agus ar neart an ghrá.

Pléitear gach gné den ghrá san dánta agus sna hamhráin seo – meidhir an ghrá óig; greann agus suairceas an ghrá; cumha agus croíbhriseadh; dúil agus grá gan fháil; agus an grá iompaithe ina fhuath.

Ceannaigh

An Buachaill, An Caochán, An Sionnach & an Capall

Leagan Gaeilge de shárshaothar Charlie Mackesy. Leabhar álainn é seo agus é bunaithe ar léaráidí simplí agus machnamh ar ghnéithe uilíocha de shaol an duine.

Ceannaigh

Deirdre

Is beag Gael inniu nár chuala trácht ar chur síos Dheirdre ar Naoise — gile an tsneachta ar a chneas, duibhe an fhéich ar a fholt, agus deirge na fola ar a ghrua — ná ar fhilleadh Chlann Uisnigh as Albain lena gcur chun báis in Eamhain Mhacha.

Is ar an leagan is sine den scéal, Loingeas Mhac Uisnigh, a bhunaigh Darach Ó Scolaí an leagan nua seo. Is í Anastasia Melnykova a rinne an obair ealaíne.

Ceannaigh