Ceardlann scríbhneoireachta ar ábhar an dinnseanchais 13 May 2024 – Posted in: Nuacht, Scríbhneoireacht – Clibeanna: , , ,

Ceardlann scríbhneoireachta ar ábhar an dinnseanchais á heagrú ar-líne

Tá sé i gceist ag an bhFéile Idirnáisiúnta Litríochta CÚIRT i gcomhar le Cló Iar-Chonnacht agus le tacaíocht ó Ealaín na Gaeltachta, ceardlann a eagrú ar-líne do scríbhneoirí Gaeilge ar an Luan 10 Meitheamh óna 7:00 i.n. go dtí a 10:00 i.n. Am na hÉireann.

An téama a bheidh ag an gceardlann ná ‘Saothair Nuascríofa Bunaithe ar an Dinnseanchas’.

Stiúrthóirí na ceardlainne:

Mícheál Ó Ruairc agus Bríd Ní Mhóráin i gcomhar le Micheál Ó Conghaile

Tugtar cuireadh do scríbhneoirí Gaeilge ar mhaith leo a bheith páirteach sa gceardlann saothar dá gcuid (dán nó dhó nó píosa próis – ficsean, splancscéal nó aiste –  gan dul thar 5 leathanach) a bhaineann le gné éigin den dinnseanchas a sheoladh chuig moccic22@outlook.com ROIMH an Satharn 4 Meitheamh 2024.

  • Beidh spás d’ochtar nó mar sin ar an gceardlann.
  • Beidh fáilte roimh scríbhneoirí a bhfuil saothair foilsithe cheana acu agus roimh scríbhneoirí atá ag tosú.
  • Níl aon táille le n-íoc as freastal ar an gceardlann seo.

Roghnófar na saothair is feiliúnaí agus déanfar iad a phlé agus a mheas ag an gceardlann. Tríd an modh oibre seo beidh na hiarrthóirí ar fad in ann páirt ghníomhach a ghlacadh sa cheardlann, agus foghlaim ó laigí agus ó bhuanna shaothar a chéile.

« Leabhar nua le Pádraic Breathnach á sheoladh
Beathaí nua curtha le Ainm.ie »